حب لله وفيه

الحمدلله الذي تتم بنعمته الصالحات :”)

“البهجة” تجمعت في منزلنا اليوم في إفطار الخميس 14 من شعبان ثم امتد بنا الوصال إلى ليلة النصف من شعبان … كانت ليلة “حب لله وفيه” :)))

أنا فعلًا مبسوطة جدًا وممتنة جدًا لكل البنات وطنطاتي الي جم

أول واحدة جت كانت طنط منى يونس حبيبتي الي بشوفها كل فييين وفين، وبعديها بعد حبة معاناة مع الطريق كانت دعاء ماجد البهجة – كانت أقلهم معاناة رغم ذلك – وجابت حبيب قلبي الأول <3 Obaida والأول كان مستغربني من غير حجاب بعدين بدأ يستوعب ويلعب معايا

ومعاها، جت طنط والدة Omayma وأميمة وميمنة، وعبدالله الصغنون وعبدالله ويوسف

وبعدين بعديها جت سلمى ومعاها طنط مامتها وطنط والدة رغد – بنت عم سلمى – ورغد شخصيًا السكر <3

وبعديـــها – بكتيييير – جت طنط Mona و طنط منال و Mariam و Rana ؛ متعذبوش من الطريق بس كنا مستنينهم عشان كده :3 عشان مينفعش شوربة الكريما تخلص من غير ما مريم تتذوقها

وبعدين في الاخر خالص – بعد معاناة مريرة مع الطريق *أنا فعلًا آسفة والله :”( – جت السارّة Sroor و فآطمة محمد و Salma و Šõmáýá وطنط والدتهم الجميلة :”)

واكتملت البهجة 🙂

مدى السعادة الي كنت فيها لا توصف، مدى البهجة والحب الي كانوا في الجو برضه لا يوصف ..

اكتر من 20 حد في بيت صغنون ولكن البهجة كانت كبيرة والبركة كتير :”)

اكتر حاجة مبهجة حصلت لما طنط منى يونس شافت طنط منال .. كان بقالهم 25 سنة متقابلوش وميعرفوش انهم هيتقابلوا <3 كانت لحظة كدة من الي يتوثقوا فيديو غير كده مينفعش O:) حاجة كده وجد :)))

أنا سعيدة جدًا <3

الحمدلله

السعادة رزق والبهجة رزق والصحبة الصالحة في طفولتنا وصبانا وشبابنا وشيخوختنا رزق <3

الحمدلله على أمي .. 🙂

ولا أملك إلا أن أدعو بأخر دعاء دعوناه في هذا اليوم المليء بالحب 🙂 :

اللهم إني أسألك رزقاً طيباً، وعملاً متقبلاً، اللهم ارزقني قلباً خاشعاً، ويقيناً صادقاً، ولساناً ذاكراً، وولداً صالحاً، وخلقاً حسناً، وعملاً متقبلاً، ومن الرشد ما يجعلني من الراشدين، ومن خشيتك ما يبلغني مكانة المتقين، ومن طاعتك ما تلحقني بالصالحين، ومن اليقين ما يجعلني من المقربين، ومن الحب لك وفيك ما يرفعني إلى عليين.

“ومن الحب لك وفيك ما يرفعني إلى عليين” <3

اللهم آمييين آميين آمييين :)))

جزاكم الله جميعًا كل خير على مجيئكن .. نورتونا وأسعدتونا وأدخلتهم البيت بهجة لا تسعنا، وسرورًا لن يذوي اثره :”) جمعنا الله على الخير والمحبة والطاعات دومًا ^_^

لما ابقى دكتورة في الجامعة

ثرثرة